Кафедра клінічнай лабараторнай дыягностыкі

Супрацоўнікі кафедры

• Аляхновіч Ларыса Ігараўна, к.м.н., дацэнт, намеснік загадчыка кафедры па вучэбнай рабоце
• Батурэвіч Людміла Віктараўна, к.м.н., дацэнт
• Дальнова Тамара Сяргееўна, к.м.н., дацэнт 
• Кузьменка Андрэй Цімафеевіч, к.м.н., дацэнт
• Шылейка Ірына Дзмітрыеўна, к.м.н., дацэнт
• Гапеева Кацярына Пятроўна, вядучы лабарант
• Цімашэнка Таіса Аляксандраўна, вядучы лабарант
• Дударэнка Ніна Пятроўна, лабарант
• Коцікава Людміла Яўгенаўна, лабарант

Гісторыя кафедры

Кафедра клінічнай лабараторнай дыягностыкі створана ў Беларускім дзяржаўным інстытуце ўдасканалення ўрачоў 20 красавіка 1970 г., калі на пасаду яе загадчыка быў абраны доктар медыцынскіх навук прафесар В.Г. Колб, які ўзначальваў кафедру да сярэдзіны 1999 г. У ліпені 1970 году на пасаду асістэнта кафедры быў абраны У. С. Камышнікаў, які ў ліпені 1999 г. стаў загадчыкам кафедры.

Базай кафедры з 1970 па 1971 год быў біяхімічны аддзел НДІ туберкулёзу МЗ РБ. 20 красавіка 1971 г. кафедра перамясцілася на базу лабараторна-дыягнастычнага аддзялення Дарожнай бальніцы Мінска, дзе на працягу 16 гадоў (па пачатак сакавіка 1987 г.) адбывалася яе далейшае станаўленне. 5 сакавіка 1987 г. кафедра перамясцілася ў пабудаваны ў пасёлку «Лясны» (Бараўляны) корпус ЦНІЛ, адмыслова прызначаны для выканання навуковых даследаванняў і размешчаны ў цэнтры комплексу з сямі лячэбна-прафілактычных і медыцынскіх навукова-даследчых устаноў рознага профілю, а менавіта двух РНПЦ, двух абласных бальніц, шпіталя інвалідаў Вялікай Айчыннай вайны ім. П. М. Машэрава, Мінскай раённай бальніцы і супрацьтуберкулёзнага дыспансэра Мінскай вобласці.

Асноўныя формы заняткаў - лекцыі, семінары, практычныя заняткі. На практычных занятках слухачы знаёмяцца з тэхналогіяй выканання клініка-лабараторных даследаванняў, асвойваюць уніфікаваныя і спецыяльныя метады лабараторнага аналізу, атрымліваюць звесткі па інтэрпрэтацыі вынікаў выкананых даследаванняў.

Асноўныя напрамкі навуковых даследаванняў

1. Выкананне арыентаваных фундаментальных і прыкладных навуковых даследаванняў, накіраваных на павышэнне эфектыўнасці выяўлення парушэнняў у стане рэпрадуктыўнага здароўя мужчын, дыягностыкі саматычных захворванняў.
2. Распрацоўка і ўкараненне ў медыцынскую практыку інавацыйных лабараторна-дыягнастычных метадаў даследавання, новых лабараторна-дыягнастычных тэст-сістэм.
3. Падрыхтоўка кадраў вышэйшай навуковай кваліфікацыі па спецыяльнасці 14.03.10 – клінічная лабараторная дыягностыка.

Артыкулы і публікацыі